«Астон Вилла» бош мураббийи Унаи Эмери Чемпионлар лигаси умумий босқичининг 4-турида «Барселона»га қарши кечган ва 0:3 ҳисобидаги мағлубият билан якунланган баҳсни изоҳлади.
«Жамоамиз қандай шаклланаётгани 90 дақиқа давомида яққол кўринади. Таркибимизда ёш ва иқтидорли футболчилар билан бирга тажрибали ўйинчилар ҳам бор. Бугун бир қатор хатоларга йўл қўйдик. Иш жараёнида бундай камчиликларга аввал ҳам дуч келганмиз, аммо ҳар сафар уларни енгиб ўтишга куч топганмиз.
Бугун ҳам хатоларга қарамай, вазиятлар яратишда ва яккакурашларга киришишда давом этдик. Агар биринчи бўлимда юзага келган имкониятлардан ҳеч бўлмаганда биттасини голга айлантирганимизда, балки ҳаммаси бошқача кечарди. Бироқ якуний паллада совуққонлик етишмади», — дея Эмерининг сўзларини келтиради BBC Sport.
Маълумот учун, «Барселона» сафида Ламин Ямал ва Рафиня (2 та) гол уриб, каталонияликларга йирик ғалаба келтирди.
Эслатиб ўтамиз, «Астон Вилла» Чемпионлар лигасининг кейинги турида Туркиянинг «Галатасарой» клубига қарши майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади