«Астон Вилла» собиқ футболчи Жейми Каррагерга қарши судга мурожаат қилмасликка қарор қилди. Бу ҳақда Sports.ru хабар бермоқда.
Аввалроқ Бирмингҳэм клуби «Ливерпул»нинг собиқ ҳимоячиси устидан судга даъво киритишини маълум қилганди. Каррагер «Астон Вилла» ҳеч қачон «Манчестер Юнайтед» даражасига чиқа олмаслигини айтган ва клуб мухлисларини «жим бўлишга» чақирганди.
Кейинчалик мутахассис ўз сўзлари учун узр сўради ва бу гапларни ҳазил тариқасида айтганини тушунтирди.
Маълумот учун, Жейми Каррагер футболчилик фаолиятининг катта қисмини «Ливерпул» сафида ўтказган. У ҳозирда футбол эксперти сифатида фаолият юритади.
Эслатиб ўтамиз, «Астон Вилла» Каррагернинг баёнотларидан сўнг унга нисбатан ҳуқуқий чоралар кўриш ниятида эканини билдирган эди.
