«Арсенал» яримҳимоячиси Мартин Субименди қишки трансфер ойнасида Лондон клубини тарк этишни режалаштирмоқда. Бу ҳақда ТEАМtalk нашри хабар берди.
Манбага кўра, айрим Европа клублари футболчининг жамоадан кетиш истаги ҳақида маълумот олган. Вазиятни «Реал», «Барселона», «Атлетико», «Бавария» ва Дортмунднинг «Боруссия» клублари диққат билан кузатмоқда.
Шунингдек, «Арсенал» январ ойида Субимендини ижарага бериш вариантини ҳам кўриб чиқишга тайёр. Бироқ эҳтимолий битимнинг якуний шартлари ҳали муҳокама қилиниши керак.
Маълумот учун, 27 ёшли испаниялик футболчи ушбу мавсум барча мусобақаларда 10 та баҳсда майдонга тушиб, битта голли узатмани амалга оширган.
Эслатиб ўтамиз, Тransfermarkt портали Субимендининг бозор қийматини 65 миллион еврога баҳоламоқда.
