Ўзбекистонлик MMA жангчиси Богдан Гусков UFC Fight Night турнирида Роберт Уиттакерга қарши октагонга кўтарилади.
Жанг 2027 йил 6 феврал куни Австралиянинг Сидней шаҳрида бўлиб ўтади ва кечанинг иккинчи муҳим жанги бўлади.
Маълумот ўрнида, Гусков 2022–2023 йилларда MMA Сериясида учта жанг ўтказиб, барчасида муддатидан аввал ғалаба қозонган. 34 ёшли спортчининг умумий рекорди — 18 та ғалаба, 4 та мағлубият ва 1 та дуранг. У 2026 йил июл ойида Магомед Анкалаевга техник нокаут билан мағлуб бўлганди.
Уиттакер эса UFC’нинг ўрта вазндаги собиқ чемпиони ҳисобланади. Австралиялик жангчи 2026 йилда ярим оғир вазнга ўтиб, Никита Криловни техник нокаут билан мағлуб этган. 35 ёшли Уиттакернинг рекорди — 27 та ғалаба ва 9 та мағлубият.
Фото: UFC
