«Милан» ва «Ан Наср» собиқ бош мураббийи Стефано Пиоли Криштиану Роналду билан ишлаш тажрибаси ҳақида гапирди.
«Агар уни машқ қилдирмаган бўлсангиз, Роналдунинг нақадар буюк эканини тушунмайсиз. У гол уришга иштиёқманд чемпион ва ҳурмат билан муомала қилади.
Криштиану ва Златан ростгўйликни қадрлайди. Мен муносабатларимизни очиқлик ва самимийликка қурганман», — деди Пиоли Sky Sport’га берган интервюсида.
Пиолининг айтишича, уларга ўйинда қанча вақт майдонда бўлиши ёки қачон алмаштирилишини олдиндан айтиш муҳим.
У бир сафар «Милан»да шошилиб, Ибраҳимовични олдиндан огоҳлантирмай захирага олган. Златан бу ҳақда эртаси куни гапирган, аммо кейин ҳеч нарса бўлмагандек муомала қилган.
Аввалроқ Роналду Жезуш унга берган ваъдасини иккинчи марта бузгани ҳақида гапириб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади