«Фенербаҳче» клуби португалиялик мутахассис Сержиу Консейсауга таклиф билан чиқди. Бу ҳақда инсайдер Николо Скира ижтимоий тармоқларда хабар бермоқда.
Манба маълумотига кўра, Туркия клуби аллақачон 51 ёшли мураббий билан алоқага чиққан ва унга жамоани бошқаришни таклиф қилган. Томонлар ўртасида икки йиллик шартнома тузиш имконияти кўриб чиқилмоқда.
Эслатиб ўтамиз, «Фенербаҳче»нинг аввалги бош мураббийи Исмоил Картал «Галатасарой»га қарши дербидаги мағлубиятдан сўнг клубни тарк этган эди.
Аввалроқ унинг ўрнини Дирк Куйт жамоанинг вақтиналик бош мураббийи этиб тайинланганди.
Маълумот учун, Консейсаунинг сўнгги иш жойи Саудия Арабистонининг «Ал Иттиҳод» клуби бўлган.
Португалиялик мутахассис фаолияти давомида «Нант», «Брага», «Милан» ва «Порту» жамоаларини бошқарган.
