«Удинезе» жамоанинг янги бош мураббийини расман эълон қилди. Италиялик мутахассис Паоло Занетти ушбу лавозимда Коста Руняичнинг ўрнини эгаллади.
Аввалроқ «Удинезе» раҳбарияти жамоа кетма-кет 8 та учрашувда ғалаба қозона олмагани сабабли Руняич билан ҳамкорликни тўхтатган эди.
Айни пайтда жамоа Италия чемпионати жадвалида 19-ўринни эгаллаб турибди.
43 ёшли Занетти билан тузилган шартнома бу мавсум охирига қадар мўлжалланган.
Италиялик мутахассиснинг сўнгги иш жойи «Верона» клуби бўлган. Энди у «Удинезе»ни қуйи ўринлардан олиб чиқиш ва жамоанинг натижаларини яхшилашга ҳаракат қилади.
