«Барселона» яримҳимоячиси Френки де Йонг каталонияликлар сафида 300-баҳсини ўтказди. Ушбу натижага футболчи Чемпионлар лигаси умумий босқичининг 4-турида «Астон Вилла»га қарши ўйинда эришди.
Клуб нидерландиялик футболчининг юбилейини махсус футболка билан нишонлади. Унда «F. de Jong 300» ёзуви туширилган эди. Баҳс якунланганидан сўнг Де Йонг жамоадошлари билан ушбу либосда суратга тушиб, тарихий лаҳзани муҳрлади.
Маълумот учун, Френки де Йонг «Барселона» сафида 2019 йилдан буён тўп тепмоқда. Унгача у Амстердамнинг «Аякс» клубида фаолият олиб борган.
Эслатиб ўтамиз, Де Йонг «Барселона» сафида энг кўп баҳс ўтказган нидерландиялик футболчи ҳисобланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади