«Манчестер Юнайтед» сардори Бруно Фернандеш Чемпионлар лигасининг 4-турида «Рома» устидан қозонилган 3:2 ҳисобидаги ғалабадан сўнг АПЛ доирасидаги «Борнмут»га қарши баҳсда нега захирада қолганига изоҳ берди.
Португалиялик футболчи мураббий Майкл Кэррикнинг қарорини тўғри деб ҳисоблашини таъкидлади. Унинг сўзларини журналист ва инсайдер Бен Жейкобс ижтимоий тармоқларда келтирган.
«Мураббий мени захирада қолдиришга қарор қилди, чунки мен етарлича яхши ўйнамагандим. Бу адолатли қарор эди. Ҳамма буни «Комо»га қарши баҳсдан кейинги гапларим учун жазо деб ўйлади. Агар шундай бўлган тақдирда ҳам, бу тўғри эди. Қарорларни мураббий қабул қилади. Мен буни қабул қилиб, олдинга интилишим керак.
Бу мураббийга, унинг штабига ва клубдаги ҳар бир футболчига бўлган ишончимни ўзгартирмайди. Шунингдек, ҳар бир кейинги ўйинда ғалаба қозониш мақсадимга ҳам таъсир қилмайди», — деди Фернандеш.
Маълумот учун, «МЮ» «Комо»га қарши Чемпионлар лигаси баҳсида 1 :4 ҳисобида мағлуб бўлганидан сўнг Фернандеш жамоа тактикасини танқид қилганди. Шундан кейин у «Борнмут»га қарши АПЛ баҳсида асосий таркибдан жой олмади. Ўша беллашувда манкунианликлар 0:3 ҳисобида ютқазган.
Эслатиб ўтамиз, Фернандеш «Рома»га қарши баҳсда 58-дақиқада пеналтидан гол урди. «МЮ» эса Матеус Кунянинг 83 ва 86-дақиқаларда киритган голлари эвазига 3:2 ҳисобида ғалаба қозонди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади