«Манчестер Юнайтед» клуби яримҳимоячи Бруну Фернандешнинг келажагини ҳал қилиш устида бош қотирмоқда. Бу ҳақда инсайдер Экрем Конур хабар берди.
Манбага кўра, манкунианликлар футболчини келажакда эркин агент сифатида йўқотиб қўймаслик учун турли сценарийларни кўриб чиқмоқда.
Маълумот учун, Фернандеш 2020 йил январидан буён «қизил иблислар» шарафини ҳимоя қилиб келмоқда. Унинг клуб билан амалдаги шартномаси 2027 йилнинг ёзига қадар мўлжалланган. Transfermarkt портали футболчининг бозор қийматини 35 миллион евро баҳоламоқда.
Фернандеш бу мавсумда Англия Премер-лигасида 8 та учрашувда майдонга тушиб, 3 та гол ва 1 та голли узатмани ўз ҳисобига ёзиб қўйди.
Аввалроқ Саудия Арабистони жамоалари Брунуни кузатиб бораётгани ҳақида хабарлар тарқалганди.
