«Tottenhem» bosh murabbiyi Roberto de Zerbi «Koventri»ga qarshi o‘yindan (3:1) keyin jurnalistlar savollariga javob berdi.
«Shporlar» o‘z maydonida Jeyms Maddison, Omar Marmush va Ben Devis kiritgan gollar evaziga g‘alaba qozondi. Bu London jamoasining APLdagi ushbu mavsumdagi ilk g‘alabasi bo‘ldi.
«Natija, jamoaning kayfiyati va ruhiyatidan, o‘tkazib yuborilgan golga ko‘rsatgan munosabatidan mamnunman. Rostini aytsam, avvalgi o‘yinlardagidek yaxshi harakat qilmadik, ammo raqibimiz yaxshi himoyalanganini ham e’tirof etish kerak.
Endi g‘alaba qozona olishimizga ishonishimiz lozim. Ikki-uch mavsumdan keyin ruhiy holat muhim ahamiyat kasb etadi. Muxlislarga rahmat aytishimiz kerak: ular ko‘p aziyat chekishdi, ammo bugun jamoani ajoyib qo‘llab-quvvatlashdi», — dedi de Zerbi BBC Sport’ga bergan intervyusida.
Ma’lumot o‘rnida, «Tottenhem» 7 turdan keyin 6 ochko to‘plagan holda turnir jadvalida 16-o‘rinda bormoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi