Fernandesh «MYU»da vaziyat yaxshilanishini kutishdan charchadi

Portugaliyalik yarimhimoyachi Bruno Fernandesh «Manchester Yunayted»dagi vaziyat yaxshilanishini kutishdan charchadi. Bu haqda Teamtalk nashri ma’lum qildi.

Manba ma’lumotlariga ko‘ra, yulduz futbolchi yanvar oyidagi transfer oynasida «qizil iblislar» safini tark etishi mumkin. 32 yoshli havbek katta maqsadlar sari intiladigan jamoaga o‘tishni rejalashtirmoqda.

Bruno 2020-yildan buyon Manchester klubida o‘ynab kelmoqda. Uning amaldagi shartnomasi 2027-yil iyun oyi oxirida yakunlanadi. Futbolchining transfer qiymati 35 million yevroni tashkil etadi.

Angliya Premyer-ligasining dastlabki 7 ta turidan so‘ng «MYU» 7 ochko bilan turnir jadvalining 14-o‘rnini egallab turibdi.