«Tottenhem» hujumchisi Risharlison London klubidagi vaziyatni tanqid qilgan Dunkan Fergyusonning fikrlarini ochiq qo‘llab-quvvatladi. «Everton» sobiq hujumchisi avvalroq braziliyalik futbolchining jamoada chetlatilgani bilan bog‘liq qaror to‘g‘riligiga shubha bildirgandi.
Risharlison avgust oyida «Brentford»ga qarshi 0:3 hisobidagi mag‘lubiyatdan beri asosiy jamoa safida maydonga tushmadi. Yozgi transfer oynasida boshqa klubga o‘tishga bo‘lgan urinishlari samara bermagach, hujumchi Premyer-liganing ushbu mavsumi uchun «Tottenhem» arizasiga kiritilmadi.
Bir vaqtlar Risharlison bilan murabbiy sifatida ishlagan Fergyuson vaziyatga munosabat bildirar ekan, futbolchini qo‘llab-quvvatlash va jamoaga qaytishiga yordam berish kerakligini ta’kidladi.
«Tottenhem» murabbiyi nima qilganini bilmayman. Ular o‘rtasida jiddiy mojaro bo‘lganmi, bundan ham bexabarman. Rishini yaxshi bilganim uchun bunday holat yuz bergan bo‘lishi ham mumkin. Ammo uni qo‘llab-quvvatlash va jamoaga qaytishiga yordam berish kerak», — dedi Fergyuson Overlap Daily podkastida.
Risharlison bunga javoban ijtimoiy tarmoqlarda: «Rahmat, Dunkan, sen haqsan», — deb yozdi.
Ma’lumot uchun, «Tottenhem» bosh murabbiyi Roberto De Zerbi Risharlisonni jamoa arizasidan chiqarish qarorini o‘zi qabul qilmaganini aytib, savollarni klub rahbariyatiga yo‘naltirdi.
