«Trabzonspor» hujumchisi Muhammad Saloh shaxmatga bo‘lgan ishtiyoqi haqida gapirdi. 61saat nashri xabariga ko‘ra, misrlik futbolchi bo‘sh vaqtining salmoqli qismini ushbu o‘yinga bag‘ishlaydi va Turkiyadagi onlayn platformada shaxmat o‘ynaydi. Uning reytingi 1400 ballni tashkil etadi.
«Shaxmatga bo‘lgan qiziqishim aqldan ozish darajasiga yetdi. Deyarli har kuni o‘ynayman va bu o‘yinni juda yaxshi ko‘raman», — dedi futbolchi.
Saloh o‘tgan yozda erkin agent sifatida «Trabzonspor»ga qo‘shilgan. U jamoa safida o‘tkazgan 10 ta bahsida sakkizta gol urib, to‘rtta golli uzatmani amalga oshirdi. Bu natijalar uni jamoaning asosiy futbolchilaridan biriga aylantirgan.
Ma’lumot uchun, «Trabzonspor» Turkiya chempionati turnir jadvalida 13 ochko bilan beshinchi o‘rinda bormoqda. Jamoa to‘rtinchi pog‘onadagi «Beshiktosh»dan ikki ochko ortda qolgan. «Galatasaroy» esa 19 ochko bilan peshqadamlik qilmoqda.
Eslatib o‘tamiz, «Trabzonspor» 19-oktyabr kuni «Beshiktosh»ga qarshi maydonga tushadi. Ushbu bahs jamoalarning turnir jadvalidagi o‘rni uchun muhim ahamiyat kasb etadi.
