«Koventri» bosh murabbiyi Frenk Lempard APL 7-turi doirasida «Tottenhem»ga qarshi kechgan o‘yindan (1:3) so‘ng o‘z fikrlari bilan o‘rtoqlashdi.
«Osmonranglilar» ikkinchi bo‘lim boshida hisobni tenglashtirdi. Biroq ko‘p o‘tmay «taqachilar» yana hisobda oldinga chiqdi, qo‘shib berilgan daqiqalarda esa mavsumdagi ilk g‘alabasini uchinchi gol bilan mustahkamladi.
«Jamoamizning o‘yinidan juda mamnunman. Yumshoq qilib aytganda, biz bahsda munosib ishtirok etdik. «Tottenhem» ikkita ajoyib gol urdi. Ikkinchi golda yuzga qo‘l bilan zarba berilgani uchun bahsli vaziyat yuzaga keldi, ammo ijro juda yaxshi bo‘ldi.
Jamoamning o‘yinidan faxrlanaman. Oxirgi daqiqalarda o‘tkazib yuborilgan gol ortiqcha bo‘ldi. Yaxshi imkoniyatlarimiz ham bor edi», — dedi Lempard BBC’ga bergan intervyusida.
«Koventri» olti ochko bilan turnir jadvalida 17-o‘rinda. Xuddi shuncha ochko to‘plagan «Tottenhem» esa bir pog‘ona yuqorida joylashgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi