Angliya milliy jamoasi JCH-2026 oldidan tarkibida majburiy o‘zgarish amalga oshirdi. Bu haqda Angliya futbol assotsiatsiyasi rasman ma’lum qildi.
FIFA qoidalariga ko‘ra, jamoalar turnir boshlanishidan kamida 24 soat oldin jarohat olgan futbolchini qaydnomadan chiqarib, uning o‘rniga boshqa o‘yinchini ro‘yxatdan o‘tkazishi mumkin.
Aynan shu qoida asosida himoyachi Tino Livramento mundialni o‘tkazib yuboradigan bo‘ldi. Futbolchi yakshanba kungi mashg‘ulot vaqtida jarohat olgan va tibbiy tekshiruvlar uning turnirda ishtirok eta olmasligini tasdiqlagan.
Shundan so‘ng Angliya terma jamoasi «Chelsi» himoyachisi Trevo Chalobani tarkibga qo‘shdi.
26 yoshli Chaloba so‘nggi mavsumda klub safida barqaror o‘yin ko‘rsatib, murabbiylar shtabi ishonchini qozongan edi.
Eslatib o‘tamiz, Angliya JCH-2026dagi ilk uchrashuvini 17 iyun kuni Xorvatiyaga qarshi o‘tkazadi. Bahs Toshkent vaqti bilan 01:00 da start oladi.
