Аргентина миллий жамоаси ва Миланнинг «Интер» клуби собиқ сардори Хавер Занетти Лионел Мессининг бу йил «Олтин тўп»ни қўлга киритишига умид билдирди.
«Месси «Олтин тўп»ни ютишига умид қиламан. У 39 ёшида намойиш этаётган ўйин энг юксак эътирофга лойиқ. Тўққизинчи «Олтин тўп» унинг фаолияти учун муносиб якун бўларди», — деди Занетти.
ЖЧ-2026да Месси ҳозирга қадар 8 та гол уришга муваффақ бўлди. У Франция миллий жамоаси ҳужумчиси Килиан Мбаппе билан биргаликда турнирнинг энг яхши тўпурарлари пойгасида пешқадамлик қилмоқда.
Эслатиб ўтамиз, Аргентина миллий жамоаси ЖЧ-2026 яримфиналида 15 июл куни Англияга қарши майдонга тушади. Учрашув Тошкент вақти билан 00:00да бошланади.
