Славен Билич — Хорватия бош мураббийи

Славен Билич яна Хорватия миллий жамоаси бош мураббийига айланди.

Аввалроқ хорватлар ЖЧ-2026 1/16 финалида Португалияга 1:2 ҳисобида мағлуб бўлиб, турнир билан хайрлашган ва шундан сўнг Златко Далич 9 йилдан кейин миллий жамоа бош мураббийлиги лавозимини тарк этганди.

«Хорватия футбол иттифоқи (HNS) президенти Мариан Кустичнинг таклифига биноан, Ижроия қўмита бир овоздан Славен Билични Хорватия миллий жамоаси бош мураббийи этиб тайинлашга қарор қилди.

Златко Далич кетгач, 2006-2012 йилларда ҳам жамоани бошқарган Славен Билич яна Хорватия миллий жамоасига устозлик қилади.

Қарор Хорватия футбол федерацияси Ижроия қўмитаси томонидан қабул қилинди. Ижроия қўмита йиғилишидан олдин федерация экспертлар комиссияси ҳам президент Кустичнинг таклифини тўлиқ қўллаб-қувватлади», — дейилади ташкилот баёнотида.

Славен Билич фаолияти давомида «Локомотив», «Бешиктош», «Вест Ҳэм», «Ал Иттиҳод» ва бошқа клубларда ҳам бош мураббий сифатида ишлаган.