«Барселона» президенти Жоан Лапорта жамоа вингери Рафиняни жамоадан қўйиб юбориш нияти йўқлигини маълум қилди. Бу баёнот Энтони Гордон ва Карим Адейемининг трансферлари фонида янгради.
«Биз Рафиньянинг кетишини истамаймиз. У жамоамиз учун муҳим футболчи. Гордон ва Адейемининг трансферлари эса Рафиняга алоқадор эмас. Бу унинг кетишини англатмайди», — деди Лапорта.
Аввалроқ «Барселона» Рафиня трансфери орқали 90 миллион евро ишлаб олиши мумкинлиги маълум қилинганди. Футболчининг Саудия клублари қизиқишлари доирасига тушгани ҳам айтиб ўтилган.
