Франция миллий жамоаси собиқ ҳужумчиси Давид Трезеге Килиан Мбаппе ҳамда шу кунларда давом этаётган 2026 йилги жаҳон чемпионатининг энг яхши футболчиси ҳақида фикр билдирди.
— Аввало жаҳон чемпионати ва хусусан Мбаппе ҳақида гаплашайлик. Унинг ўйинини қандай баҳолайсиз? Сизнингча, ушбу жаҳон чемпионатининг «Олтин тўп»ини ким қўлга киритади?
— Ҳозир кўриб турганларимиздан келиб чиқсак, Лионел Месси яна бир бор ноёб футболчи эканини исботламоқда. Ушбу соврин учун у Мбаппе билан курашмоқда. Бу аниқ.
Менинг фикримча, Франция Аргентинага қараганда анча мукаммал шаклланган жамоа. Уларнинг таркибида кучлироқ ижрочилар бор, улар Европанинг энг кучли чемпионатларида тўп тепишади. Бу ҳақиқатан ҳам жуда тажрибали жамоа.
Аргентинада иштиёқ кўп, аммо жамоа Мессига жуда кучли боғланган. Шу билан бирга, Лео 39 ёшида ҳам ажойиб спорт формасида эканини айтиш лозим», — деди Трезеге.
