«Пахтакор»нинг ОФК Элит Чемпионлар Лигаси плей-офф босқичида Иорданиянинг «Ал Ҳусайн» клубига қарши ўтадиган учрашуви бошланиш вақти маълум бўлди. Бу ҳақда ЎзПФЛ матбуот хизмати хабар берди.
Унга кўра, баҳс 11 август куни Тошкент вақти билан соат 20:00 да старт олади. Беллашув «шерлар»нинг уй стадиони бўлмиш «Пахтакор» ўйингоҳида бўлиб ўтади. Ушбу учрашув ғолиби Осиё Элит Чемпионлар Лигасининг асосий босқичига йўлланма олади.
Маълумот ўрнида, «Ал Ҳусайн» ўтган мавсум Иордания чемпионатида чемпионликни қўлга киритганди. «Пахтакор» эса Ўзбекистон футболидаги энг совриндор клублардан бири бўлиб, ўтган мавсум Суперлигада 2-ўринни эгаллаган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади