Тажрибали мутахассис Славен Билич Хорватия миллий жамоаси бош мураббийига айланиши кутилмоқда. Бу ҳақда TalkSPORT хабар берди.
Маълум қилинишича, 57 ёшли мураббий аллақачон миллий жамоа билан ҳамкорлик шартларини келишиб олган. Унинг бош мураббий этиб тайинлангани кейинги 24 соат ичида расман эълон қилиниши кутилмоқда.
Билич аввал ҳам 2006–2012 йилларда Хорватия миллий жамоасини бошқарган. Унинг қўл остида жамоа Евро-2008 мусобақасининг чоракфинал босқичигача етиб борган.
Биличнинг сўнгги иш жойи Саудия Арабистонининг «Ал Фотиҳ» клуби бўлиб, у 2024 йилда ушбу жамоани тарк этганди. Аввалроқ Златко Далич 9 йиллик фаолиятидан сўнг Хорватия миллий жамоаси бош мураббийлигини тарк этгани маълум қилинганди.
