«Марсел» футболчиси Мэйсон Гринвуд фаолиятини «Фенербаҳче»да давом эттиради. Бу ҳақда журналист Николо Скира хабар берди.
Маълум қилинишича, туркияликлар 24 ёшли англиялик вингер учун 45 миллион евро тўлайди. Гринвуд эса «Фенербаҳче» билан 4 йиллик шартнома имзолайди.
Унинг йиллик маоши 8 миллион еврога тенг бўлади. Шунингдек, шартномада яна 2 миллион еврогача бўлган бонуслар ҳам кўзда тутилган.
Маълумот ўрнида, «Марсел» 2024 йил ёзида Гринвудни «Манчестер Юнайтед»дан 26 миллион евро эвазига сотиб олганди. Ўтган мавсум англиялик футболчи барча мусобақаларда 45 та учрашувда майдонга тушиб, 26 гол урди ва 11 ассист амалга оширди.
Аввалроқ Саудия клуби Мэйсон учун 100 миллион евро тўлашга тайёр экани маълум қилинганди.
