Tajribali mutaxassis Slaven Bilich Xorvatiya milliy jamoasi bosh murabbiyiga aylanishi kutilmoqda. Bu haqda TalkSPORT xabar berdi.
Ma'lum qilinishicha, 57 yoshli murabbiy allaqachon milliy jamoa bilan hamkorlik shartlarini kelishib olgan. Uning bosh murabbiy etib tayinlangani keyingi 24 soat ichida rasmiy e'lon qilinishi kutilmoqda.
Bilich avval ham 2006–2012 yillarda Xorvatiya milliy jamoasini boshqargan. Uning qo'l ostida jamoa Evro-2008 musobaqasining chorakfinal bosqichigacha yetib borgan.
Bilichning so'nggi ish joyi Saudiya Arabistonining «Al Fotih» klubi bo'lib, u 2024 yilda ushbu jamoani tark etgandi. Avvalroq Zlatko Dalich 9 yillik faoliyatidan so'ng Xorvatiya milliy jamoasi bosh murabbiyligini tark etgani ma'lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi