Бу ҳақда Mirror нашри хабар берди.
38 ёшли Роб Диперинк жаҳон чемпионати-2026 мусобақасидан четлатилгач, бир неча ҳафта ўтиб вафот этди.
ФИФА рефериси Диперинк асосан Эредивизи ўйинларини бошқариб борган. Жаҳон чемпионати-2026 ҳакамлари рўйхатидан чиқарилган Роб апрел ойида Лондонда вояга етмаган болага нисбатан жинсий зўравонлик қилганликда айбланиб, пойтахт полицияси томонидан ҳибсга олинганди – кейинчалик иш тўхтатилган эди.
Голландия полицияси Диперинкнинг ўлиши юзасидан суриштирув ишлари олиб бормоқда, ўлим сабаби ҳозирча маълум эмас.
Нидерландия футбол федерацияси мазкур ҳолат юзасидан ўз муносабатини билдириб, «ҳайратда ва чуқур қайғуда эканлигини маълум қилди».
«Биз ҳакам Роб Диперинкнинг вафот этганидан ҳайратда ва чуқур қайғудамиз. Унинг оила аъзолари, дўстлари ва яқинларига ҳамдардлик билдирамиз. Ушбу оғир жудоликни енгиб ўтишда уларга куч ва мадад тилаймиз», - дейилади хабарда.
