Argentina terma jamoasi va Milanning «Inter» klubi sobiq sardori Xavyer Zanetti Lionel Messining bu yil «Oltin to'p»ni qo'lga kiritishiga umid bildirdi.
«Messi «Oltin to'p»ni yutishiga umid qilaman. U 39 yoshida namoyish etayotgan o'yin eng yuksak e'tirofga loyiq. To'qqizinchi "Oltin to'p" uning faoliyati uchun munosib yakun bo'lardi», — dedi Zanetti.
JCH-2026da Messi hozirga qadar 8 ta gol urishga muvaffaq bo'ldi. U Fransiya milliy jamoasi hujumchisi Kilian Mbappe bilan birgalikda turnirning eng yaxshi to'purarlari poygasida peshqadamlik qilmoqda.
Eslatib o'tamiz, Argentina milliy jamoasi JCH-2026 yarimfinalida 15 iyul kuni Angliyaga qarshi maydonga tushadi. Uchrashuv Toshkent vaqti bilan 00:00da boshlanadi.
