Германия миллий жамоаси бош мураббийи Юлиан Нагелсман Кот-д’Ивуарга қарши бўлажак ўйин ҳақидаги фикрлари билан ўртоқлашди.
«Бошланғич таркибни ўзгартириш учун менда яққол сабаблар йўқ. Лекин аввал бу фикрни яхшилаб ўйлаб кўрамиз. Ўз ёндашувимизни бутунлай ўзгартирмоқчи эмасмиз — тасодифий тўп йўқотишларга йўл қўймаслик ва рақибнинг қарши ҳужумлари пайтида ҳимояланиш учун тўғри позицияларни эгаллаш мақсадида кичик тузатишлар киритилиши мумкин.
ЖЧ-2026 саралашида ва Африка миллатлар кубогида Кот-д’Ивуар доимо турли схемаларда ўйнаган. Шунинг учун биз аниқ нима кутишни билмаймиз ва турли хил сценарийларга тайёргарлик кўрдик. Улар жисмонан жуда кучли, бу эса бизга муаммолар келтириб чиқариши мумкин. Уларнинг тезлиги ва яккама-якка вазиятлардаги ўйин сифати — бу уларнинг асосий устунликлари», — дея Нагелсманнинг сўзларини келтиради FIFA расмий сайти.
