Швеция миллий жамоаси бош мураббийи Грем Поттер ЖЧ-2026 гуруҳ босқичининг 2-турида Нидерландияга қарши ўйиндаги 1:5 ҳисобидаги мағлубият ҳақида фикр билдирди.
Мутахассиснинг таъкидлашича, жамоаси жуда кучли рақибга қарши майдонга тушган ва ушбу ўйиндан муҳим хулосалар чиқариши керак.
«Биз жуда яхши жамоага қарши ўйнадик. Рақиб қанотларда хавфли вазиятлар яратди. Биринчи гол узоқ узатмадан кейин урилди ва биз бу вазиятда яхши ҳаракат қила олмадик.
Биринчи бўлимни умуман яхши бошламадик. Бу шундай ўйинлардан бири бўлдики, ундан жуда кўп сабоқ олишимиз мумкин. Баъзан шундай тажриба ҳам керак бўлади.
Ўйин айнан шундай кечади деб ўйламагандим, аммо энди ундан тўғри хулоса чиқаришимиз керак», — деди Поттер ФИФА сайтига.
Эслатиб ўтамиз, Швеция Нидерландияга 1:5 ҳисобида мағлуб бўлди. Ушбу натижадан сўнг шведлар F гуруҳида 3 очко билан иккинчи ўринда қолмоқда.
