Франция миллий жамоаси ҳужумчиси Килиан Мбаппе 2026 йилги жаҳон чемпионати доирасидаги 3-ўрин учун баҳсда Англияга қарши асосий таркибда майдонга тушади. Бу ҳақда Canal+ хабар берди.
«Учранглилар» сардори ушбу баҳсда икки сабабга кўра иштирок этишни истамоқда. Биринчиси — яна гол уриб, турнирнинг энг яхши тўпурарига бериладиган «Олтин бутса»ни қўлга киритиш. Иккинчиси эса Франция миллий жамоасини тарк этаётган бош мураббий Дидие Дешамга муносиб хайрлашув тақдим этишдир.
Маълумот ўрнида, Франция ва Англия ўртасидаги 3-ўрин учун баҳс 18 июлдан 19 июлга ўтар кечаси бўлиб ўтади. Учрашув Тошкент вақти билан соат 02:00 да бошланади.
Аввалроқ Мбаппе Дешам учун энг яхши ўйинини кўрсатишга ҳаракат қилишини айтиб ўтганди.
