«Милан» яримҳимоячиси Рубен Лофтус-Чикнинг «россонери»даги келажаги ноаниқлигича қолмоқда.
PianetaMilan нашри хабар беришича, англиялик 29 ёшли футболчига «Ковентри Cити» жиддий қизиқмоқда. Клуб бош мураббийи Фрэнк Лэмпард янги мавсум олдидан таркибни Рубен орқали кучайтирмоқчи. Мураббий унинг имкониятларини юқори баҳолайди.
Маълумот учун, Лофтус-Чик уч йилдан бери «Милан»да тўп тепиб келади. Шартномаси 2027 йилнинг ёзида ниҳоясига етади. Шунга қарамай, у трансфер ойнаси якунига қадар жамоасини ўзгартириши мумкин.
