Испания миллий жамоаси яримҳимоячиси Родри Лионел Мессини футбол тарихидаги энг буюк футболчи деб атади.
«Менимча, унинг ким эканини алоҳида тушунтиришнинг ҳожати йўқ. Лионел — тарихдаги энг буюк футболчи. У жамоанинг ҳақиқий етакчисига айланган, аммо Аргентина фақат Мессидан иборат эмас.
Менимча, Испания ҳам, Аргентина ҳам энг яхши ўйинини айнан жамоа сифатида намойиш этади», — деди Родри ўйин олдидан ўтказилган матбуот анжуманида.
Маълумот ўрнида, Испания ва Аргентина 19 июлдан 20 июлга ўтар кечаси 2026 йилги жаҳон чемпионати финалида ўзаро тўқнаш келади. Аввалроқ Родри мусобақага жаҳон чемпионлигини қўлга киритиш учун келгани ҳақида гапириб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади