Месси Ямални 6 ойлигида чўмилтираётган сурати ҳақида гапириб ўтди

Аргентина миллий жамоаси сардори Лионел Месси Испания миллий жамоаси вингери Ламин Ямал ҳақида ўз фикрлари билан ўртоқлашди.

«Мен Ямални 6 ойлигида чўмилтираётган суратми? Энди финалда унга қарши майдонга тушишим — мен учун ақлбовар қилмайдиган ҳолат.

Ҳозир у дунёдаги энг яхши футболчилардан бири. «Барселона» жуда омадли. Ямаль учун яхши бўлган нарса — бизнинг «Барселона»миз учун ҳам яхши.

Ламин — ажойиб футболчи. У «Барселона»да ўйнагани учун ўйинларини эътибор билан кузатиб бораман. Мен ҳар доим унга энг яхши тилакларни тилайман. Лекин финалда Ямал ўзининг энг яхши ўйинини кўрсата олмаслиги учун қўлимиздан келган барча ишни қиламиз.

Бироқ фақат Ямални тўхтатишнинг ўзи етарли эмас. Испанияда бошқа кучли футболчилар ҳам бор ва уларнинг ўз услуби мавжуд. Шунга қарамай, бизнинг ҳам ўз устунликларимиз бор», — деди Месси The Touchline нашрига берган интервюсида.

Маълумот ўрнида, Испания ва Аргентина 19 июлдан 20 июлга ўтар кечаси 2026 йилги жаҳон чемпионати финалида жаҳон кубоги учун ўзаро баҳс олиб боради. Баҳс Тошкент вақти билан 00:00 да старт олади.