Аргентина миллий жамоаси яримҳимоячиси Алексис Макаллистер ҳужумчи ва сардор Лионел Мессининг бутун жамоа учун аҳамияти ҳақида гапирди.
Эслатиб ўтамиз, ЖЧ-2026 финалида Аргентина 19 июл куни Испанияга қарши майдонга тушади.
– Месси 39 ёшида яна бир мундиал финалида майдонга тушади. Уни янада кўпроқ вақт миллий жамоада қолишга кўндиришга уриниб кўрмаяпсизларми?
– Бу анча қийин вазият. Охир-оқибат бу унинг шахсий иши. У якуний қарорга келганми ёки йўқ, билмайман.
Аммо агар Лео ҳали ҳам бир қарорга келмаган бўлса, биз доим у шу ёшида ҳам майдонда фарқ қилаётганини айтамиз. Бу биз учун жуда муҳим. Месси билан бирга ўйнаш биз учун кўп нарса, дегани. Умид қиламизки, у иложи борича узоқ қолади, лекин амалда нима бўлишини кўрамиз, — дея Макаллистер сўзларидан иқтибос келтирди DSPORTS.
