Франция миллий жамоаси етакчиси Килиан Мбаппе жаҳон чемпионатининг бронза медаллари учун ўйини ҳақида гапирди.
Ушбу баҳсда французларга яримфиналда Аргентинага имкониятни бой берган Англия миллий жамоаси рақиб бўлади.
Ушбу беллашув олдидан Мбаппе жамоа бош мураббийи Дидие Дешам ҳақида илиқ фикрлар билдирди.
«Француз халқи учун Дидиенинг аҳамияти борасида ҳеч нарса ўзгаргани йўқ. Мураббий сифатида, ўйинчи сифатида - у ажойиб тарих ёза олди. Унинг яна битта ўйини қолди. Биз энг яхши ўйинимизни кўрсатишга ҳаракат қиламиз, чунки Дешам шунга арзийди. Шунингдек, мухлисларимиз ҳам ғалаба ҳамда учинчи ўринга муносиблар», - дея Мбаппе сўзларидан иқтибос келтирди Yahoo Sports.
Франция - Англия ўйини 19 июл куни Тошкент вақти билан тунда 02:00да старт олади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади