Куртуа АҚШ устидан ғалаба ҳақида: «Ҳурматсизликка муносиб жавоб қайтардик»

Белгия миллий жамоаси дарвозабони Тибо Куртуа ЖЧ-2026 1/8 финалида АҚШ (4:1) устидан қозонилган ғалабага муносабат билдирди.

«Сўнгги кунларда улар бизга нисбатан кўрсатган ҳурматсизликка муносиб жавоб қайтардик. Биз ҳақимизда аввалги жамоа эмаслигимизни, бизни осонликча мағлуб этишларини айтишганди. Ҳа, Миср ва Эронга қарши ўйинлар осон кечмади, аммо улар мутлақо бошқа баҳслар эди. Уларни бу сафарги ўйин билан таққослаб бўлмайди. Яхши жамоа эканимизни исботладик».

Фоларин Балогуннинг дисквалификацияси бекор қилингани ҳақида

«Бу гапларнинг барчасини ўқиб, куламан. Тушунаман, улар АҚШ миллий жамоасига қизиқишни оширишни хоҳлашади. Лекин бу ғалабага мен Сенегалга қарши ўйин олдидан бўлганидан ҳам кўпроқ ишонгандим. Чунки, менимча, Сенегал — АҚШдан кучлироқ жамоа», — дедя Куртуанинг сўзларини келтиради RMC Sport.