Дуглас Коста фаолиятини БААда давом эттиради.
Бразилиялик 35 ёшли вингер «Кево»ни тарк этиб, «Ал Иттифоқ» билан шартнома имзолади.
Коста «Ювентус» ва «Бавария» каби гранд клублардаги фаолияти билан танилган. Шунингдек, футболчи «Шахтёр», «Флуминенсе», «Лос-Анжелес Гэлакси» ва «Сидней» жамоаларида ҳам ҳаракат қилган. У ўтган мавсумда Италия D Сериясида атиги 1 та ўйинда майдонга тушиб, 1 та гол урган.
Маълумот учун, Костанинг янги жамоаси «Ал Иттифоқ» БААнинг куч жиҳатидан иккинчи дивизионида ўйнайди ва ўтган мавсумда 12-ўринни эгаллаган.
