«ПСЖ» бош мураббийи Луис Энрике Лига 1нинг сўнгги туридаги «Париж»дан қабул қилинган мағлубият (1:2)га изоҳ берди.
«Бу ўйиндан нима хулоса чиқаришимиз керак? Ҳеч нима. Биринчи бўлим жуда паст темпда ўтди. Жамоа ўйинига баҳо бериш қийин. Бу, шубҳасиз, менинг уч йиллик фаолиятимдаги энг ёмон ўйин.
Бу ҳолатни олдиндаги Чемпионлар Лигаси финали билан тушунтириш мумкинми? Сабаблар кўп, баҳоналар ҳам етарли, аммо мен баҳоналарни ёқтирмайман.
Биламан, бундай ўйинларда майдонга тушиш осон эмас. Бироқ сен «ПСЖ»да ўйнаётган бўлсанг, бошқача эканингни кўрсатишинг керак. Бугун биз ёмон ўйин кўрсатдик ва мен бундан қониқиш ҳосил қилмадим», — деди Энрике.
