Мексика миллий жамоаси бош мураббийи Хавиер Агирре жаҳон чемпионати-2026 1/8 финалида Англия миллий жамоаси билан бўладиган ўйин олдидан нималар кутаётганлиги ҳақида гапириб ўтди.
«Ҳарри Кейн — бу жаҳон даражасидаги тимсол. Унинг «Тоттенҳэм», «Бавария» ёки ўз миллий жамоаси учун урган голлари — жаҳон даражасидаги ўйинчи эканлигини кўрсатади. Унинг бўйи 1,88 метрни ташкил этади ва бундай тана тузилишига қарамай, у оёқлари билан яхши ўйин техникасига эга. У ҳаводаги курашда ҳам фойдали, унда ҳаммаси бор. Кейн меҳнаткаш, ҳимояда ҳам фаол, етакчи. У ҳақида яна нималар дея оламан?
Биз Ҳарри Кейнни фақат марказий ҳимоячиларнинг эмас, балки яримҳимоячилар ва қанот ҳимоячиларнинг ҳам кучлари билан нейтраллаштиришга ҳаракат қиламиз. У майдонда тўпни қабул қилиш учун чуқурроқ тушганда ўзини қулай ҳис қилмаслиги учун ҳаракат қиламиз. Унинг ҳар доим кузатувда бўлишига интиламиз, унга яратувчилик қобилиятини ишга солишга имкон бермаймиз», — дея Агирренинг сўзларидан иқтибос келтиради The Sun.
