«Астон Вилла» ҳужумчиси Морган Рожерс ўзига 130 миллион евролик нарх белгилангани ҳақидаги хабарларга муносабат билдирди.
«Ростини айтсам, бунча пулга арзийманми, билмайман.
Албатта, одамларнинг бундай фикр билдираётгани ёқимли. Аммо ташқаридаги шов-шувлар менга таъсир қилишига йўл қўймайман», — деди Рожерс.
Эслатиб ўтамиз, сўнгги ҳафталарда ОАВда Морган Рожерснинг трансфер қиймати 130 миллион еврога баҳоланаётгани ва унга Европанинг бир қатор топ-клублари қизиқиш билдираётгани ҳақида хабарлар тарқалмоқда.
Маълумот учун, 22 ёшли футболчи Англия миллий жамоаси сафида ҳам ўз ўрнини мустаҳкамлаб бормоқда ва Европанинг энг истиқболли ҳужумкор футболчиларидан бири сифатида эътироф этилмоқда.
