«Aston Villa» hujumchisi Morgan Rojers o‘ziga 130 million yevrolik narx belgilangani haqidagi xabarlarga munosabat bildirdi.
«Rostini aytsam, buncha pulga arziymanmi, bilmayman.
Albatta, odamlarning bunday fikr bildirayotgani yoqimli. Ammo tashqaridagi shov-shuvlar menga ta'sir qilishiga yo‘l qo‘ymayman», — dedi Rojers.
Eslatib o‘tamiz, so‘nggi haftalarda OAVda Morgan Rojersning transfer qiymati 130 million yevroga baholanayotgani va unga Yevropaning bir qator top-klublari qiziqish bildirayotgani haqida xabarlar tarqalmoqda.
Ma'lumot uchun, 22 yoshli futbolchi Angliya milliy jamoasi safida ham o‘z o‘rnini mustahkamlab bormoqda va Yevropaning eng istiqbolli hujumkor futbolchilaridan biri sifatida e'tirof etilmoqda.
