«Manchester Siti» yarimhimoyachisi Fil Foden Chempionlar ligasida jamoa safida het-trik qayd etgan oltinchi futbolchiga aylandi. U musobaqa umumiy bosqichining 3-turida AEK darvozasiga uchta gol urdi.
Angliyalik futbolchi 34, 65 va 76-daqiqalarda raqib darvozasini ishg‘ol qildi. Ushbu bahsda «Manchester Siti» 5:1 hisobida g‘alaba qozondi. Jamoaning qolgan gollarini Riko Lyuis va Rayan Sherki kiritdi.
Ma’lumot uchun, Fodendan avval «Manchester Siti» safida Serxio Aguero, Alvaro Negredo, Gabriel Jezus, Rahim Sterling va Erling Holand Chempionlar ligasida het-trik qayd etgan.
Eslatib o‘tamiz, 26 yoshli Foden ushbu mavsumda Chempionlar ligasining ikkita bahsida uchta gol va ikkita golli uzatmaga mualliflik qildi. «Manchester Siti» umumiy bosqichning 4-turida 4-noyabr kuni «Leypsig» bilan bahs olib boradi.
Muxlislar bu yangilikni Telegram’da muhokama qilmoqda
Izohlar Telegram’da ochiladi