«Barselona» bosh murabbiyi Hans-Diter Flik Chempionlar ligasi umumiy bosqichining 3-turida «PSJ»ga qarshi kechgan va 2:4 hisobidagi mag‘lubiyat bilan yakunlangan bahsdan so‘ng fikr bildirdi.
«El Klasiko» tarkib borasida qabul qilingan qarorlarimizga ta’sir qildi. Agar yakshanba kuni raqibimiz «Real» bo‘lmaganida, Rodrigo asosiy tarkibda maydonga tushgan bo‘lardi. Bu bahona emas, ammo jamoada yetarlicha yangilik bo‘lmagani sababli xatolarga yo‘l qo‘yganimizni tushunishimiz kerak.
So‘nggi haftalarda jamoa juda katta kuch sarfladi. Ushbu bahsga yetarlicha tayyorgarlik ko‘ra olmadik. Vaziyat ideal emasdi va tiklanishga ulgurmadik. Bo‘lib o‘tgan voqealarni tahlil qilib, kelajakda ayrim jihatlarni yaxshilashimiz kerak. Bugun esa, shubhasiz, ko‘plab yaxshi ishlarni ham amalga oshirdik», — deya Flikning so‘zlarini Footmercato nashri keltirmoqda.
Ma’lumot uchun, «Barselona» «PSJ»ga qarshi bahsda ikki bor hisobni tenglashtirganiga qaramay, yakunda 2:4 hisobida mag‘lub bo‘ldi.
Eslatib o‘tamiz, «Barselona» va «Real» o‘rtasidagi Ispaniya chempionatining 10-tur bahsi 25-oktyabr kuni bo‘lib o‘tadi. Bellashuv Toshkent vaqti bilan 26-oktyabrga o‘tar kechasi soat 01:00 da boshlanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi