«Barselona» Chempionlar ligasida so‘nggi 20 yil ichida ilk bor raqibga o‘z darvozasi tomon 15 ta aniq zarba berish imkonini taqdim etdi. Kataloniyaliklar turnir umumiy bosqichining 3-turida «PSJ»ga 2:4 hisobida mag‘lub bo‘ldi.
Parijda o‘tgan bahsning 38-daqiqasida Dezire Due hisobni ochdi. 55-daqiqada Xavi Espart muvozanatni tikladi, 72-daqiqada esa Lukas Ernandes mezbonlarni yana oldinga olib chiqdi. 79-daqiqada Lamin Yamal hisobni tenglashtirdi.
Biroq «PSJ» yakunda g‘alabani ilib ketdi: 81-daqiqada Vitinya parijliklarni yana oldinga olib chiqdi, 86-daqiqada Fabian Ruis yakuniy hisobni o‘rnatdi — 4:2.
Ma’lumot uchun, ushbu mag‘lubiyat «Barselona» uchun 2026/2027-yilgi mavsumdagi ilk mag‘lubiyat bo‘ldi. Jamoa Ispaniya chempionatida o‘tkazgan dastlabki to‘qqizta bahsining barchasida g‘alaba qozongan.
Muxlislar bu yangilikni Telegram’da muhokama qilmoqda
Izohlar Telegram’da ochiladi