«PSJ» hujumchisi Xvicha Kvaratsxeliya Chempionlar ligasi umumiy bosqichining 3-turida «Barselona»ga qarshi o‘yinda (4:2) olgan jarohati sabab MRT tekshiruvidan o‘tadi. Bu haqda L’Équipe nashri xabar berdi.
Manbaga ko‘ra, futbolchi 21-oktyabr kuni tibbiy ko‘rikdan o‘tishi rejalashtirilgan. Uning atrofidagilarda tizzaning oldingi xochsimon bog‘lami uzilgan bo‘lishi mumkinligidan xavotir paydo bo‘lgan. Biroq bu taxminni faqat tekshiruv natijalari tasdiqlashi yoki rad etishi mumkin.
«PSJ» vakillari hozircha MRT natijasi haqida biror xulosa chiqarishga erta ekanini bildirgan.
Ma’lumot uchun, Kvaratsxeliya ushbu mavsumda «PSJ» safida barcha musobaqalarda 11 ta bahsda maydonga tushib, ikkita gol va bitta golli uzatmani amalga oshirgan.
Eslatib o‘tamiz, «PSJ» «Barselona»ni 4:2 hisobida mag‘lub etgan bahsda gruziyalik hujumchining jarohati bilan bog‘liq holat yuzasidan yakuniy tashxis hali e’lon qilinmagan.
