«Барселона» бош мураббийи Ҳанс-Дитер Флик Чемпионлар лигаси умумий босқичининг 3-турида «ПСЖ»га қарши кечган ва 2:4 ҳисобидаги мағлубият билан якунланган баҳсдан сўнг фикр билдирди.
«Эл Класико» таркиб борасида қабул қилинган қарорларимизга таъсир қилди. Агар якшанба куни рақибимиз «Реал» бўлмаганида, Родриго асосий таркибда майдонга тушган бўларди. Бу баҳона эмас, аммо жамоада етарлича янгилик бўлмагани сабабли хатоларга йўл қўйганимизни тушунишимиз керак.
Сўнгги ҳафталарда жамоа жуда катта куч сарфлади. Ушбу баҳсга етарлича тайёргарлик кўра олмадик. Вазият идеал эмасди ва тикланишга улгурмадик. Бўлиб ўтган воқеаларни таҳлил қилиб, келажакда айрим жиҳатларни яхшилашимиз керак. Бугун эса, шубҳасиз, кўплаб яхши ишларни ҳам амалга оширдик», — дея Фликнинг сўзларини Footmercato нашри келтирмоқда.
Маълумот учун, «Барселона» «ПСЖ»га қарши баҳсда икки бор ҳисобни тенглаштирганига қарамай, якунда 2:4 ҳисобида мағлуб бўлди.
Эслатиб ўтамиз, «Барселона» ва «Реал» ўртасидаги Испания чемпионатининг 10-тур баҳси 25 октябр куни бўлиб ўтади. Беллашув Тошкент вақти билан 26 октябрга ўтар кечаси соат 01:00 да бошланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади