«Манчестер Юнайтед» клубининг собиқ бош мураббийи, нидерландиялик мутахассис Эрик тен Ҳаг, португалиялик форвард Криштиану Роналдуни кескин танқид қилди.
«Криштиану менга ва жамоага қаттиқ панд берди. Сабаби бизнинг аниқ режаларимиз бор эди. Уни қаттиқ ҳурмат қилардим, у футбол тарихидаги энг яхши футболчилардан. Бироқ мураббий сифатида мен қарор қабул қилишим керак эди.
Машғулотларда Роналду тўп билан ҳам, усиз ҳам югурмасди. У шунчаки тайёргарлик кўрмасди. Ваҳоланки энг яхши футболчи жамоа манфаати йўлида ҳаракат қилиши зарур. Машғулотлар вақтида Криштиану барчага унинг оёқларига эҳтиёт бўлишни айтарди», - дея мутахассис сўзларидан иқтибос келтиради The Touchline.
Эслатиб ўтамиз, Тен Ҳаг 2022 — 2024 йиллар мобайнида «қизил иблислар»ни бошқариб борган.
