Мюнхеннинг «Бавария» клуби вингери Серж Гнабри фикрига кўра, «Олтин тўп» унинг клубдоши, форвард Ҳарри Кейнга насиб қилиши керак.
«Бу курашда у ютиб чиқса, зўр иш бўларди. У ажойиб йил ўтказди. Назаримда, Кейн совринни ютиш учун етарлича иш қила олди», - дея германиялик футболчи сўзларидан иқтибос келтиради журналист ва инсайдер Фабрицио Романо.
Маълумот учун, ўтган мавсум 33 ёшли Кейн «Бавария» сафида 61 та гол урди ва жамоаси Бундеслигада, Германия Кубоги ва Суперкубогида зафар қучишига катта ҳиссасини қўшди.
Эслатиб ўтамиз, форвард Англия миллий жамоаси билан АҚШ, Канада ва Мексикада ўтган жаҳон чемпионати–2026да учинчи ўринни эгаллаб, бронза медалларини қўлга киритди.
