«Бавария» ҳужумчиси Ҳарри Кейн Чемпионлар лигаси умумий босқичи 3-турида «Арсенал»га қарши бўлиб ўтадиган баҳс ҳақида фикр билдирди.
«Европанинг энг яхши жамоаларидан бирига қарши майдонга тушганингда, бундай лаҳзаларни қадрлашинг керак. Биз бу чақириқни қабул қилишга тайёрмиз. Бу ўзига хос оқшом бўлади», — дея Кейннинг сўзларини Bayern & Germany келтирмоқда.
Ҳужумчи «Бавария» «Лейпциг»га қарши баҳсдаги каби руҳият билан ҳаракат қилиши кераклигини таъкидлади. Шу билан бирга, у «Арсенал»га қарши ўйин оғир кечишини кутмоқда.
Маълумот учун, «Бавария» ва «Арсенал» ўртасидаги баҳс 21 октябр куни бўлиб ўтади. Учрашув Тошкент вақти билан соат 00:00 да бошланади.
