«Арсенал» ҳимоячиси Рикардо Калафиори ҳамон «Реал»нинг трансфер мақсадлари рўйхатида турибди.
Инсайдер Экрем Конурнинг ижтимоий тармоқлардаги маълумотига кўра, Лондон клуби Мадрид вакилларига италиялик футболчини харид қилиш учун фавқулодда даражадаги таклиф билдириш кераклигини англатган.
24 ёшли Калафиори 2024 йил ёзида «Арсенал» сафига қўшилган. Италиялик футболчи Лондон клуби билан беш йиллик шартнома имзолаган.
Маълумот учун, Тransfermarkt портали Калафиори трансфер қийматини 65 миллион еврога баҳоламоқда.
Эслатиб ўтамиз, «Арсенал» футболчининг шартномаси бўйича ҳуқуқларга эга ва уни сотиш борасида ҳозирча расмий қарор эълон қилмаган.
