TNТ Sports журналистлари 2026 йилги «Олтин тўп» учун асосий фаворитлар рўйхатини тақдим этди. Рейтингнинг биринчи поғонасидан Англия миллий жамоаси ва Мюнхеннинг «Бавария» клуби ҳужумчиси Ҳарри Кейн жой олди.
Foto: Getty Images
Иккинчи ўринга «Барселона» ва Испания миллий жамоасининг 19 ёшли юлдузи Ламин Ямал қўйилди. Кучли учликни эса 39 ёшли Лионел Месси якунлади. Аргентиналик ҳужумчи «Интер Маями» шарафини ҳимоя қилмоқда.
Рейтингнинг кучли ўнталигидан Хвича Кварацхелия («ПСЖ»), Килиан Мбаппе («Реал»), Усмон Дембеле («ПСЖ»), Родриго («Барселона»), Фабиан Руис («ПСЖ»), Майкл Олисе («Бавария») ва Деклан Райс («Арсенал») ҳам жой олди.
Маълумот учун, «Олтин тўп» дунёнинг энг яхши футболчисига топшириладиган нуфузли индивидуал мукофот ҳисобланади.
Эслатиб ўтамиз, 2026 йилги «Олтин тўп»ни топшириш маросими 26 октябр, душанба куни бўлиб ўтиши белгиланган.
